The Man Standing Next 2020 දකුණු කොරියානු චිත්‍රපටයක්.මෙය Hangul Hnaja සහ Chief of Namsan නමින්ද හඳුන්වා තිබෙනවා.මෙය නාට්‍යමය සහ දේශපාලන නාට්‍යය වර්ගයට වෙන් කර තිබෙන චිත්‍රපටයක්.The Man Standing Next 2020 චිත්‍රපටය අධ්‍යක්ෂණය කර තිබෙන්නේ Woo Min Ho අධ්‍යක්‍ෂකවරයායි.මෙය පදනම් වී තිබෙන්නේ සත්‍ය සිදුවීමක් වටා මෙන්ම මෙම සිදුවීම පාදක කරගෙන රචනා කෙරූ “Namsanui Bujangdeul” නමැති නවකතාව ඇසුරිනුයි.ඒ වගේම මේ කතාව 1990 සහ 1992 වර්ෂයේදී The Dong A llbo ප්‍රවෘත්ති පත්‍රය තුල කොටස් වශයෙන්ද පලවී තිබුනා.කෙසේවෙතත් මෙම චිත්‍රපටයට පාදක වී තිබෙන්නේ දකුණු කොරියාවේ පාක් ජනාධිපතිවරයා ඝාතනය කිරීමට ලක්වූ දින 40 කට පෙර කාලය පාදක කරගෙනයි.The Man Standing Next 2020 චිත්‍රපටයේ කතාව රචනා කර තිබෙන්නේ Kim Choong sik විසිනුයි.සිනමාරූපණය Ko Nak Sun විසින්ද,නිෂ්පාදනයෙන් Kim Jin woo සහ Min ho woo යන දෙපල දායකවී තිබෙන්නේ hiva media සහ gemstone pictures නිෂ්පාදන සමාගම් යටතේයි.මිනිත්තු 114 ක ධාවන කාලයක් සහිත මෙම චිත්‍රපටය බෙදාහැර තිබෙන්නේ Showbox ආයතනය විසිනුයි.චිත්‍රපටය ප්‍රදර්ශනය සඳහා නිකුත් කර තිබෙන්නේ 2020 ජනවාරි 22 වෙනිදායි එදින පටන් පෙබරවාරි 4 වෙනිදා දක්වා මෙය බොක්ස්ඔෆිස් වාර්තා අතරේ ඉහලින්ම රැඳී තිබුනා.චිත්‍රපටය සඳහා ප්‍රධාන රංගන දායකත්වය ලබාදෙන්නේ Lee Byung-hun,Lee Sung-min,Kwak Do-wonයන පිරිසයි.ඒ වගේම මෙම චිත්‍රපටයට 2020 (41st)Blue Dragon Film Awards වලදී හොඳම චිත්‍රපටයට හිමි සම්මානය දිනා ගන්නා අතර 2020 (56th) Baeksang Arts Award වලදී හොඳම නළුවා ලෙස Lee Byung hun සම්මාන ලබාගන්නට සමත් වෙනවා.කෙසේවෙතත් මෙම චිත්‍රපටය සඳහා IMDB අගය 7/10 කුත් Rotten Tomatoes අගය 87%කුත් ගූගල් පරිශීලක අගය 85%කුත් ලැබී තිබෙනවා.
*d'etatනොහොත් May 16 කුමන්ත්‍රණය:-1961 වර්ෂයේ මැයි 16 වෙනිදා දකුණු කොරියාවේ හමුදා කුමන්ත්‍රණයක් සිදුවුනා.මෙය සංවිධානය කරමින් ක්‍රියාතමක කරේ හමුදා විප්ලවාදී සංගමය මෙහෙයවූ Park Chung Hee සහ ඔහුගේ සමීපතම සඟයින් විසිනුයි.මෙය නාමමාත්‍රිකව මෙහෙයවන ලද පුද්ගලයා ලෙස සැලකෙන්නේ හමුදාපති Chang do yong විසින් කැරැල්ල සිදුවෙන දවසේ දැක්වූ උදාසීන ප්‍රතිපත්තිය නිසායි.මේ කැරැල්ල දියත් කෙරුවේ ප්‍රජාතන්ත්‍රවාදී ක්‍රමයට මහජන චන්දයකින් තෝරාපත් කරගත් Yun Posun ගේ රජයට විරුද්ධවයි.මෙයින් දෙවෙනි කොරියානු සමුහාණ්ඩුව බිඳ වැටුනා.කුමන්ත්‍රණයෙන් පසුව බලයට පත්වුණු Park chun ගේ රජය යටතේ කොරියාව සීඝ්‍ර කාර්මික දියුණුවක් ලබමින් සංවර්ධනය වීමට පටන් ගත්තත් ප්‍රජාතන්ත්‍රවාදය සහ සිවිල් නිදහස සීමා වී තිබුනා.KCIA නමින් කොරියාවේ ප්‍රථම බුද්ධි අංශය නිර්මාණය කරන ඔහු තමන්ගේ විරුද්ධවාදින්ව ඝාතනය කරමින් තලාපෙලා දමමින් කටයුතු කරන්නට ගත්තා.නමුත් අවසානයේදී ජනතාව ඔහුට විරුද්ධව කැරලි ගසන්නට පටන් ගත්තා මෙන්ම බලයෙන් ඉවත් වෙන ලෙසට කරනා ඇමරිකන් බලපෑම්ද වැඩි වෙන්නට පටන් ගත්තා.අවසානයේදී වසර 18 ක පාලන කාලයකින් පසුව ඔහු ඝාතනයට ලක්වුනා.
* Koreagate:- චිත්‍රපටය තුලදී එක් අවස්ථාවක කියවෙන මෙම සිද්ධිය 1976 වසරේදී සිදු වී තිබෙනවා. කොරියාගේට් යනු 1976 කොරියානු දේශපාලඥයින් සහ ඇමරිකන් දේශපාලඥයන් සම්බන්ධව සිදුවුණු අපකීර්තිමත් සිද්ධියක් ලෙස සැලකෙන අතර ඇමරිකන් එක්සත් ජනපදයේ මන්ත්‍රීවරුන් දහදෙනෙකුට අල්ලස් ලබාදෙමින් බලපෑම් කිරීම මෙම සිද්ධිය ඇතිවීමට හේතුවී තිබෙනවා.මෙහි අවසාන අරමුණ වී තිබුනේ ඇමරිකානු ජනාධිපති රිචඩ් නික්සන් දකුණු කොරියාවෙන් සිය හමුදාව ඉවත් කරගැනීමේ තීන්දුව ආපස්සට හැරවීම සඳහා බලපෑම් කිරීමයි.මේ සඳහා දකුණු කොරියානු බුද්ධි අංශය නොහොත් KCIA ආයතනය මැදිහත් වී තිබෙනවා.
1970 වසරේ ජනාධිපති පාක් KCIA ආයතනය තමන්ගේ යටතේ තබාගනිමින් කටයුතු කල අතර එහි ප්‍රධානියා වන Kim Gyu Pyong එවකට කොරියාව තුල සිටි දෙවෙනි බලගතු පාලකයා ලෙස සැලකුණා.චිත්‍රපටය ආරම්භ වෙන්නේ Park Young Gak නමැති හිටපු KCIA බුද්ධි ප්‍රධානියා ඇමරිකන් මන්ත්‍රී මණ්ඩලය ඉදිරියේ දකුණු කොරියානු ජනාධිපතිවරයාට විරුද්ධව සාක්ෂි ලබාදෙන අවස්ථාව පිළිඹිමු කරමිනුයි. ජනාධිපතිවරයාගේ දුෂිත පාලනය පිලිබඳ සඳහන් අත්පොතක් ප්‍රසිද්ධියට පත් කිරීමට ඔහු සුදානම් වෙනවා.මෙයට ප්‍රතිචාරයක් විදිහට ජනාධිපති පාක් එය නැවැත්වීම සඳහා එවකට KCIA ප්‍රධානියා ලෙස කටයුතු කෙරූ Kim Gyu Pyeong වොෂිංටන් වලට පිටත් කර හරිනවා. එහිදී Park ඔහුට එම සාක්ෂි ලබාදෙමින් ඇමරිකාව තුලම රැඳී ඉන්නවා.මින් පසුව නැවත කොරියාවට පැමිණෙන කිම් බුද්ධි ප්‍රධානිතුමා.ජනාධිපති ආරක්‍ෂක ප්‍රධානියා වෙන GWAK SAND CHEO සමග ගැටුම් ඇති කරගන්නවා.පසුව ඇතිවෙන මතබේදයක් නිසා අවසානයේදී ජනාධිපතිවරයා විසින් හිටපු බුද්ධි ප්‍රධානි Park young ව ඝාතනය කිරීමට කිම් බුද්ධි ප්‍රධානියාට නියෝග කරනවා.නමුත් මේ අතරතුරේදී gwak විසින් තමන්ගේ හිතුමනාපයට වෙනත් කණ්ඩායමක් ප්‍රංශයට පිටත් කරන අතර අවසානයේදී Park young ව ඝාතනය කරනවා.නමුත් මෙයින් පසුව gwak සහ කිම් අතරේ පැවති ගැටුම ක්‍රමයෙන් වර්ධනය වෙමින් අවසානයේදී 1976 ඔක්තෝම්බර් 26 වෙනිදා ජනාධිපතිවරයා සහ gwak ආරක්‍ෂක ප්‍රධානියාව ඝාතනය කිරීම දක්වා දුරදිග යනවා.
