*චිත්‍රපටයට පාදක කරගෙන තිබෙන්නේ 1980 වර්ෂයේදී M.G රාමචන්ද්‍රන් මහ ඇමතිවරයා තමිල්නාඩුව තුල තිබු ආධුනික බොක්සිං සංගමය වෙනුවෙන් අරමුදල් සපයා ගැනීම සඳහා බොක්සිං තරුවක් වුනු මුහම්මද් අලී චෙන්නායි නගරයට රැගෙන ආ අවස්ථාව පාදක කරගෙනයි.
චිත්‍රපටයේ කතාව ලියවී තිබෙන්නේ 1970 වසරේ තමිල්නාඩුව තුල පැවතුන බොක්සිං ක්‍රීඩාව පිලිබඳවයි.කපිලන් කියන්නේ දාලිත් කුලයට අයත් මදුරාසි වරාය තුල සේවය කරනා කම්කරුවෙක්.ඔහු බොක්සිං ක්‍රීඩාවට විශාල ඇල්මක් දක්වන පුද්ගලයෙක් වුනත් ඔහුගේ මව ඔහු බොක්සිං ක්‍රීඩාවට පිවිසීම වළක්වන්නේ ඔහුගේ පියාට අත්වුණු ඉරණම ඔහුටත් අත්වේවි කියා සිතන නිසයි.බොක්සිං ක්‍රීඩාවේ නිතරවී සිටින විටදී මැරයන් පිරිසක් අතින් කපිලන්ගේ පියා වූ මුනිරත්නම්ව ඝාතනයට ලක්වෙනවා.මවගෙන් ඇතිවෙන බාධක නිසා ඔහු බොක්සිං ක්‍රීඩාවට සහබාගි වීම වැලකුණත් තරඟ නැරඹීම සඳහා ඔහු සෑම විටම ගමන් කරනවා.නමුත් කපිලන්ගේ පියාගේ යාලුවෙක් වුනු කෙවින් නොහොත් ඩැඩී කපිලන්ගේ සිහිනය සැබෑ කරගැනීම සඳහා කුඩා වියේ පටන්ම ඔහුට උදව් කිරීමට ඉදිරිපත් වෙනවා.1975 වසරේදී මාස 18 ක හදිසි තත්වයක් ඉන්දියාව තුල පනවන අතර කපිලන්ගේ සාර්පට්ඨා පාර්ශවය නියෝජනය කරන ගුරුවරයා වෙන රංගන් ඉඩියප්පා පරම්පරාව නමැති බොක්සිං ක්‍රීඩා සමාජයත් සමඟ තරඟයක් සංවිධානය කරනවා.එහිදී සාර්පට්ඨා වංශය ඉදිරිපත් කරන මීරන් නමැති ක්‍රීඩකයා ඉඩියප්පා වංශයේ වේම්බුලි අතින් පරාජයට පත්වෙනවා.මේ අවස්ථාවේදී දෙපාර්ශවය අතර ඇතිවෙන වචන හුවමාරුවෙන් අනතුරුව සාර්පට්ඨා වංශයේ බොක්සිං ගුරුවරයා වෙන රංගන් සහ ඉඩියප්පා වංශයේ බොක්සිං ගුරුවරයා වෙන දුරෙයිකන්නන් දෙදෙනා ඔට්ටුවක් අල්ලනවා.මේ ඔට්ටුවට අනුව මීළඟ තරඟයෙන් පරාජය වුනොත් සර්පට්ඨා වංශය ක්‍රීඩාවෙන් සමුගන්නා බවට රංගන් ගුරුවරයා ප්‍රතිඥාවක් ලබාවෙනවා.
