Ancient Aliens is a series of American television series and documentaries. It airs on the History Channel. It talks about ancient astronomical arguments, past relationships between humans and aliens, unidentified flying objects, conspiratorial actions by different governments, and the history of different countries and various topics. Created in 17 series and 200 episodes since March 8, 2009. The series is based on the writings of several leading authors, such as Erich von Däniken and Zecharia Sitchin. Giorgio Tsoukalos is the Executive Producer and Kevin Burns is the Producer Contributor, Prometheus Entertainment is the Distributor, and A&E Network is the Author. That in the past aliens came to our ancestors and imparted knowledge to them and established human civilization Robert Clotworthy is the backing speaker for the series, which has an IMDB rating of 7.2 / 10.
පෞරාණික පිටසක්වලයන් කියන්නේ ඇමරිකානු රූපවාහිනි කතා මාලාවක් වගේම වාර්තාමය වැඩසටහන් මාලාවක්. මේක විකාශනය වෙන්නේ හිස්ටරි නාලිකාව තුලයි.මේකෙන් කතාබහ කරන්නේ පෞරාණික ගගනගාමී තර්කයන්,අතීත මිනිසුන් සහ පිටසක්වලයන් අතර සිදුවුණු සබඳතා, හඳුනානොගත් පියාසර වස්තු ,විවිධ රජයන් මගින් ගෙනියන කුමන්ත්‍රණකාරී ක්‍රියා සහ විවිධ රටවල් වල ඉතිහාසය ගැන සහ විවිධ මාතෘකා ගැනයි.ඒ වගේම මේ කතා මාලාව ආරම්භ වුනු 2009 මාර්තු 8 වෙනිදා සිට මේ දක්වාම කතා මාලා 17 ක් සහ කොටස් 200 කින් සමන්විත වෙන ආකාරයට නිර්මාණය කර තිබෙනවා.මේ කතා මාලාව පාදක වී තිබෙන්නේ Erich von Dänikenසහ Zecharia Sitchinවැනි ප්‍රධාන ගත්කතුවරු කීප දෙනෙක්ගේ ලියවිලි පාදක කරගෙනයි.ඒ වගේම මේ වැඩසටහන් මාලාවේ නිෂ්පාදකයා විදිහට Giorgio Tsoukalosකටයුතු කරනවා වගේම විධායක නිෂ්පාදකයා Kevin Burnsවිදිහට කටයුතු කරනවා.නිෂ්පාදන දායකත්වය ලබා දී ඇති සමාගම ලෙස සැලකෙන්නේ Prometheus Entertainmentආයතනය වෙන අතර බෙදාහැරිම සිදු කරන්නේ A&E Networkආයතනයයි.ඒ වගේම ලේඛකයෙක් වෙන David Childressඇතුළු බොහෝ පිරිසක් මේ වැඩසටහන් මාලාව පුරාවටම ගවේෂණ සහ පර්යේෂණ සිදුකරමින් අතීතයේ අපේ මුතුන්මිත්තන් අතරට පිටසක්වලයන් පැමිණෙමින් ඔවුන්ට දැනුම ලබාදුන් බවත් මානව ශිෂ්ටාචාරය පිහිටුවා ගැනීම සඳහා උපකාර කෙරූ බවට තම මතවාදයන් ඉදිරිපත් කරනවා.කතා මාලාවේ පසුබිම් කථිකයා විදිහට Robert Clotworthyකටයුතු කරන අතර කතා මාලාව සඳහා ලැබී ඇති IMDB අගය 7.2/10ක් ලෙස පෙන්වා තිබෙනවා.ඒ වගේම මෙවර 10 වෙනි කතාමාලාව තුල කොටස් 10 ක් අඩංගු වෙනවා.
Ancient Aliens S10e01 Aliens BC.| ක්‍රිස්තු පුර්වයේ පිටසක්වලයන්
මිනිසුන් විසින් නිර්මාණය කල දැවැන්ත ගල්ගුහා...හේතු දැක්වීමට නොහැකි පැහැදිලි කිරීමට නොහැකි ව්‍යුහ..ජලය යටදී කරන ලද සොයාගැනීම් වලින් අතීතය පිලිබඳ අපි දන්නා සියල්ලටම අභියෝගයක් වෙනවා.වසර දහස් ගානකට පෙරදී දියුණු පිටසක්වල ශිෂ්ටාචාරයක් පෘථිවියේ වාසය කරන්න ඇතිද?එහෙම නම්.ඔවුන් මිනිසුන්ද නැත්තං මේ ලොවෙන් පරිබාහිර යමක්ද? නුතන පුරාවිද්‍යාඥයින් මානව ඉතිහාසයේ සාම්ප්‍රදායික කාල සටහන් වලට විරුද්ධව යන කෞතුක වස්තුන් සහ ස්ථාන දිගින් දිගටම සොයාගනිමින් ඉන්නවා.අද්භූත නන්නාඳුනන මුතුන්මිත්තන් ඉදිකරා යැයි සලකන මහාශිලා යුගයට අයත් පාෂාණ ඉදිකිරීම් ලෝකයේ සෑම තැනකින්ම අපිට හමුවෙලා තිබෙනවා.ප්‍රාග් ඓතිහාසික යුගයන් දක්වා ඈත අතීතයක් සහිත මානව රූප ඒ වගේම ඝන පාෂාණ ඇතුලට විදිමින් ඛාදනය කරමින් නිර්මාණය කෙරූ ඉපැරණි භූගත වාසස්ථාන පිලිබඳව ඇති සාක්ෂි හමුවෙලා තිබෙනවා.වසර දහස් ගානකට හෝ වසර දසදහස් ගානකට පෙර නවීන සංස්කෘතියක් පෘථිවිය තුල පවතින්න පුලුවන්ද?ඒ වගේම එක්තරා කාලෙක පෘථිවිය තුල දෙවිවරු සහ පරසක්වල ජීවින් වාසය කරපු බවට පවතින කතන්දර වල මිත්‍යා කතා වලට වඩා එහා ගිය සත්‍යක් තිබෙන්න පුලුවන්ද? ඉතිං Ancient Aliens S10e01නැත්තං ක්‍රිස්තු පූර්වයට කලින් පැවති ලෝකයේ සිටි පිටසක්වලයන් ගැන ඔවුන් මේ කොටසෙන් කතා බහ කරනවා ඒ වගේම වසර 100000 කට පමණ පෙරදී ඉදිකරා කියලා විශ්වාස කරන ස්ටෝන්හේන්ජ් වලට සමාන පාෂාණ සැකැස්මක් ගැන මේ කතා මාලාවේ සිටින ගවේෂකයන් පරික්ෂා කරනවා වගේම ඈත අතීතයේ සිටි ඉන්කා ශිෂ්ටාචාරය තුල පැවති දියුණු මංමාවත් සැකසීමේ ක්‍රම පිළිබඳවත් මොවුන් මේ කොටසෙන් කතා බහ කරනවා.
Ancient Aliens S10e02 Nasa's Secret Agenda|නාසා ආයතනයේ රහසිගත න්‍යාය පත්‍රය
ජර්මානු අභ්‍යවකාශ තාක්‍ෂණය පිලිබඳ ඉංජිනේරු වර්නර් වොන් බ්‍රවුන් දෙවන ලෝක යුද්ධයෙන් පසු එක්සත් ජනපද හමුදාව සමඟ ඔවුන්ගේ අභ්‍යවකාශ වැඩසටහන් වලට සම්බන්ධ වුනේ හිට්ලර්ගේ පරාජයත් සමඟ ඔහුගේ නාසි හමුදාවේ පර්යේෂණ සඳහා සහබාගි වූ විද්‍යාඥයින් ඇමරිකාවට ගෙනයාමේ වැඩසටහන ක්‍රියාත්මක කෙරූ නිසයි,ඔහු ලොව ප්‍රථම බැලස්ටික් මිසයිලය නිපදවීමේ ගෞරවයට පාත්‍ර වූ ප්‍රමුඛතම විද්‍යාඥයන්ගෙන් කෙනෙකු බවට පත්වුනා වගේම නාසින්ගේ V2 නමැති රොකට්ටුව නිර්මාණය කරමින් මුල්ම ඉන්ධන රොකට්ටු නිර්මාණය වගේම බ්‍රිතාන්‍ය ඇතුළු රටවල් වලට පහර දීමටද සමත් වුනා.පළමු ඇමරිකානු චන්ද්‍රිකාව නිපදවීම සහ මිනිසාට සඳ වෙත ළඟා වීමට හැකි වූ දැවැන්ත සැටර්න් V රොකට්ටුව නිර්මාණයට දායක වීමෙන් මිනිසාව සඳ මතට ගෙනයාමේ නියමුවෙක් ලෙසද සැලකෙනවා.ඒ වගේම අපි අඟහරු ගවේෂණ කර අභ්‍යවකාශ මධ්‍යස්ථානයක් ගොඩනඟන බවට වොන් බ්‍රවුන් කල නිර්භීත අනාවැකි යථාර්ථයක් බවට පත්වෙමින් පවතිනවා.නමුත් රොකට් ශිල්පය කියන මාතෘකාවෙදි වෝනර් වොන් බ්‍රවුන් ඔහුගේ සමකාලීන විද්‍යාඥයින් වෙන නිකොලා ටෙස්ලා,රොබට් ඔපන්හයිමර්,ඇල්බට් අයින්ස්ටයින් වැනි අයට වඩා හුඟක් ඉදිරියෙන් සිටියේ කොහොමද?.නාසි හමුදා පාර්ශව විසින් දෙවෙනි ලෝක යුද්ධ කාලයට පෙරදී ලොව පුරා ගොස් එකතු කල රහසිගත තොරතුරු ඔහු සතුව තිබුනාද නැත්තං 1947 නව මෙක්සිකෝවේ රොස්වෙල් ප්‍රදේශයට කඩාවැටුනා යැයි කියන හඳුනානොගත් පියාසර වස්තුවෙන් ලබාගත් දියුණු තාක්‍ෂණයක් පරිහරණය කිරීමේ හැකියාව ලැබී තිබුනාද? නමුත් මෙතුවක් කලකට පහලවූ ලෝකයේ විශිෂ්ඨතම රොකට් විද්‍යාඥයාට මෙයට අනුබල ලැබුනේ අපේ ලෝකයෙන් නොව නමුත් වෙනත් ලොවකින්ද? Ancient Aliens S10e02කොටසෙන් වැඩි අවධානයක් යොමුකර තිබෙන්නේ වෝනර් වොන් බ්‍රවුන් ගැන කතා කිරීමටයි ඔහුගේ කුඩා අවදිය සහ ජර්මනියේ නාසි හමුදාව යටතේ සිදුකෙරූ පර්යේෂණ සහ පසුව ඇමරිකානු හමුදාව යටතේ සිදුකෙරූ පර්යේෂණ ගැන වගේම ඔහු අභ්‍යවකාශ යුගයක් ඇරඹීම සඳහා වෝල්ට් ඩිස්නි සමඟ එකතු වී කල කාර්ය භාරය ගැන මේ කොටසෙන් කතාබහ කරනවා.
Ancient Aliens S10e03 Aliens And Robots|පිටසක්වලයන් සහ රෝබෝවරු
ඇදහිය නොහැකි ශක්තිය... උසස් බුද්ධිය... සහ ප්‍රජනනය කිරීමේ හෝ ප්‍රතිනිෂ්පාදනය කිරීමේ හැකියාව පවා මේවාට තිබෙනවා.21 වන ශතවර්ෂයේදී, මිනිසුන්ට ශල්‍යකර්ම සිදුකිරීමේ සිට වෙනත් ග්‍රහලෝක ගවේෂණය දක්වා සෑම දෙයක්ම කිරීමට රොබෝවරු වැඩසටහන්ගත කර තිබෙනවා වගේම මිනිසුන්ව අනුකරණය කිරීම සඳහා මෙන්ම ඔවුන්ව තේරුම් ගැනීම සඳහාද ඔවුන්ට හැකියාව තිබෙනවා.ඒ වගේම මිනිස් ස්වරූපයට සමාන මානවරූපී රොබෝවරු විද්‍යා ප්‍රබන්ධ වල පමණක් ඇතැයි සිතූ නවීනත්වයේ මට්ටමට වේගයෙන් ළඟා වෙමින් ඉන්නවා මෙහිදී විශ්විද්‍යාල පර්යේෂකයින් පිරිසක් නිර්මාණය කල රෝබෝවරයෙකුට තමන්ගේ ගාත්‍රා අහිමිවුනත් ඒවා ස්වයංක්‍රීයව නැවත නිර්මාණය කරගැනීමේ හැකියාව පවතිනවා වගේම අනාගතයේ නිර්මාණය කරන රොබෝවරු මිනිසා වෙනුවට වෙනත් ග්‍රහලෝක වල ගවේෂණ වලට යැවීම සඳහා නාසා ආයතනය මගින් වැඩිදියුණු කරමින් සිටින වැල්කරි නමැති රොබෝවරයෙකු ගැන කතා බහ කරනවා.නමුත් වැඩි වැඩියෙන් බුද්ධිමත් සහ මිනිසාගෙන් පරිබාහිරව ස්වාධීනව තීන්දු තීරණ ගැනීමේ රොබෝවරුන් නිර්මාණය කිරීමෙන් ඇඟවෙන්නේ කුමක්ද?කෘතීම මිනිසුන් නිර්මාණය කිරීමේ උමතුව ඇත්ත වශයෙන්ම මානව වර්ගයාගේ අනාගතයට හෝ එහි අතීතයට ගමන් කිරීමට මග පෙන්වනවාද ? ක්‍රිස්තු පුර්ව 2000 තරම් ඈත අතීතයක සිට පැවතගෙන එන ග්‍රීක පුරාවෘත්ත වලින් හෙෆස්ටස් නමැති දෙවිකෙනෙක් ටලොස් නමින් හැඳින්වූ ලෝකඩ වලින් නිර්මාණය කල රොබෝ ආරක්ෂකයෙකු ගැන කියවෙනවා.ඒ වගේම ඔහුගේ කර්මාන්ත ශාලාවේ වැඩ කිරීම වෙනුවෙන් ආයුධ තැනීමටත් විවිධ රොබෝවරු යොදාගත් බව කියවෙනවා.මිසරයේ ඇති පිරමීඩ බිත්ති වල සඳහන් වෙන ලියවිලි වලින් කියවෙන්නේ ඔසයිරිස් දෙවියන්ව කොටස් කර නැවත එකලස් කිරීමෙන් පසුව යන්ත්‍රයක් ආකාරයට ජීවය පිහිටෙව්ව බවයි..ඒ වගේම එහි ඇති එක් රූපසටහන් ටෙස්ලාගේ විද්‍යුතය නිපදවීමේ කොයිල් එකට සමාන බව කියවෙනවා.නවීන රොබෝවරු ඇත්තටම පෞරාණික ලෝකයේ සිටියා නම් ඔවුන් ඉටුකල කාර්ය භාරය කුමක්ද ?ඒවා හැදුවේ කවුද ඒ වගේම එහි තාක්‍ෂණය සහ ඒවාට සිදුවුනේ මොකක්ද?
Ancient Aliens S10e04 Dark Forces|පිටසක්වලයන් සහ අඳුරු බලවේග
යහපත සහ නපුර.ආලෝකය සහ අන්ධකාරය දෙවියන් සහ සාතන්.ලොව වටා ඇති සෑම සංස්කෘතියකට්ම පාහේ පෘථිවියේ ක්‍රියාත්මක වන ප්‍රතිවිරුද්ධ හෝ අඳුරු බලවේග පිළිබඳ කතන්දර තිබෙනවා - මේවා අද්භූත බලවේග වගේම පරසක්වල බලවේග ස්වභාවයෙන් පවතිනවා.ඇත්තටම මෙහෙම බලවේග පවතින්න පුලුවන්ද? එහෙම නම් අඳුරු බලවේග වල සැබෑ ස්වභාවය කුමක්ද?ඉතාහාසය මුළුල්ලේම අන්ධකාරයේ නියෝජිතයන් එක්ක ගිවිසුම් ගැසූ පුද්ගලයින් සිටිය බවට චෝදනා කරන පුද්ගලයින් ඉන්නවා.රුසියානු රජ පවුලේ ඉතාම සමීපතමයෙක් මෙන්ම උමතු පූජකයා ලෙසින් හැඳින්වූ රස්පුටින් සිතුවේ තමන් පරසක්වල රාජ්‍යයක් වෙනුවෙන් සේවය කල සම්බන්ධකයක් ලෙසයි.අවසානයේදී රුසියානු රජ කුමරෙකු විසින් මොහුව ඝාතනය කිරීමෙන් පසුව රුසියානු රජ පවුලේද අවසානය සිදුවුනා.ඒ වගේම මොහුගේ අභාවයත් සමඟම රුසියානු රජ පවුලේ අභාවයද සිදුවෙන බව ඔහු විසින්ම පැවසූ අනාවැකිය සත්‍යක් බවට පත්වුනා.නාසි හමුදාවේ රහසිගත ඒකකය පවසා තිබුනේ පෞරාණික සංකේත හරහා අන්ධකාර බලවේග සම්බන්ධ කරගැනීමට හැකියි කියලයි.ඒ වගේම ඔවුන් මේ සඳහා අනනර්බේ නමින් රහසිගත ඒකකයක් පිහිටුවමින් ගුප්ත විද්‍යාව සහ නොයෙක් පුරාවෘත්ත පිළිබඳව සොයා බලා තිබෙනවා.ඒ වගේම සුප්‍රසිද්ධ ගුප්ත විද්‍යාඥ ඇලිස්ටේයා ක්‍රවුලි අඳුරු මායාවන් භාවිතා කරමින් අමනුෂ්‍යය ආත්ම කැඳවූ බව ප්‍රකාශ කර තිබෙනවා වගේම ඔහු දෙවෙනි ලෝක යුද්ධ කාලය තුලදී වින්ස්ටන් චර්චිල්ගේ උපදේශකයෙකු ලෙසද කටයුතු කරමින් විවිධ ගුප්ත ක්‍රම හරහා යුද්ධය දිනවීමට කටයුතු කල බව කියවෙනවා.මේ මිනිසුන් සමඟ සබඳතා පිහිටුවාගත් සත්වයින් ඇත්තෙන්ම අමනුෂ්‍යය ආත්මද නැත්තං පිටසක්වලයන්ද?ඒ වගේම අන්ධකාරයේ සහ ආලෝකයේ බලවේග අතර සිදුවෙන විශ්වීය යුද්ධයක ඉත්තන් ලෙස මිනිසුන්ව යෝදාගන්නවා වෙන්න පුලුවන්ද? Ancient Aliens S10e04 කොටසෙන් කතාබහ කෙරෙන්නේ අමනුෂ්‍යයින් ලෙස අපි හඳුන්වන පිරිස ඇත්තෙන්ම පිටසක්වලයන් වෙන්න පුළුවන් කියලයි ඒ වගේම ඉතිහාසය මුළුල්ලේම ඔවුන්ව සම්බන්ධ කරගත් පුද්ගලයින් ගැන මෙන්ම ඒ ගැන කෙරූ පර්යේෂණ ගැනත් මේ කොටසෙන් පෞරාණික ගගනගාමී මතධරයන් සාකච්චා කරනවා.
Ancient Aliens S10e05 The Alien Evolution|පිටසක්වලයන්ගේ පරිනාමනය
ලොවපුරා සිටින සංස්කෘතීන් තුල,ගුප්ත මානවරූපී දෙවිවරු ගැන කතන්දර පවතිනවා.අපේ මුතුන්මිත්තන්ට ඇත්තෙන්ම මේ පරසක්වල සත්වයින් දකින්න ලැබෙන්න ඇතිද?පෞරාණික ගගනගාමී මතධරයන් යෝජනා කරන්නේ ලොවපුරාම නොයෙක් සංස්කෘතීන් වල දකින්න ලැබෙනවා බොහොමයක් දිව්‍යමය සත්වයින් දෙවිදේවතාවන් ඇත්තටම දිව්‍යමය පිරිසක්වත් මිත්‍යාමය සත්වයින් පිරිසක් නොව අපේ මුතුන්මිත්තන්ට නොතේරුණු පිටසක්වල අමුත්තන්ගේ පැමිණීම සහ ඔවුන් පිටසක්වල ජීවින් බවයි.ඒ වගේම ඔවුන්ගේ ජාන අපේ ශරීර තුල පවතින බව පර්යේෂකයන් පවසනවා.ඒ වගේම වසර දහස් ගානක් තිස්සේ විවිධ අප්‍රිකානු සංස්කෘතීන් වල දකින්න ලැබෙන හිස හැඩගැන්වීමේ ක්‍රමවේදය ගැන ඔවුන් කතාබහ කරන්නේ අතීතයේ දැකපු කිසියම් දෙයක් නිසා ඔවුන් ඒවා අනුකරණය කරනවා කියලයි.ඒක ඇත්තක් නම්,මානවරූපී පක්ෂීන්න්ගේ සහ උරඟයින්ගේ සිට නිල් පැහැ සමක් ඇති දෙවිවරු මෙන්ම බහු අත්පා සහිත මිනිසුන් වැනි දේවල් වලින් නිරූපනය කර තිබෙන විවිධ ජීවින් ගැන පවතින අර්ථකථනය කුමක්ද?නැත්තං විවිධ වර්ගයේ පිටසක්වල ජීවී විශේෂ පෘථිවියේ වාසය කරන්න ඇතිද?නුතන යුගයේ වාර්තා වෙන පිටසක්වල පැහැරගැනීම් වලට ලක්වුවන් පවසන සාක්ෂි වලින් කියවෙන්නේ පිටසක්වල සත්වයින් දිගින් දිගටම අද දක්වාම පෘථිවියට පැමිණෙන බවද?ඉතිං ඒක එහෙම නම් අපි හැමෝටම පොදුවුණු ආදී මුතුන්මිත්තෙක් ඉන්න පුලුවන්ද?1928 දී පුරාවිද්‍යාඥ ජූලියෝ ටෙලෝ පේරු වල සොහොන් ගැබකින් පරකාස් හිස්කබල සොයාගත්තා...මෙහි විශේෂත්වය වෙන්නේ එහි ඇති දිගැටි හැඩය වගේම කපාලයේ පරිමාණය මෙතුවක් කලකට හඳුනාගෙන සිටි විශාලතම මිනිස් හිස් කබලට වඩා 25%කින් පමණ විශාල වීමයි.සමහරු විශ්වාස කරන්නේ මෙයට පිටසක්වල සම්භවයක් පවතිනවා කියලයි.ඒ වගේම 2012 දී කල සොයාගනිමකට අනුව මානව හිස් කබල් වර්ෂ 1800 න් පසුව තව තවත් විශාලත්වයෙන් වැඩි වෙමින් පවතිනවා.එයින් අදහස් වෙන්නේ අපි තවදුරටත් පරිනාමනය වෙමින් සිටින බවද?
Ancient Aliens S10e06 The Other Earth|වෙනත් පෘථිවියක්
2009 වර්ෂයේදී කෙප්ලර් දුරේක්ෂය අභ්‍යවකාශයට දියත් කිරීමෙන් අනතුරුව වෙනත් පෘථිවියක් සොයාගැනීමේ මෙහෙයුම සඳහා ඩොලර් බිලියන ගණනක වියදමක් දරමින් පවතිනවා වගේම විද්‍යාඥයින් ජීවයක් පැවතීමට අවශ්‍ය කරනා හිතකර ග්‍රහලෝක දහස් ගණනින් හඳුනාගෙනද තිබෙනවා.මේ සොයාගැනීම නිසා යුග ගණනාවක් තිස්සේ අප ඇසු “අපි විශ්වයේ තනිවෙලාද ?” කියන ප්‍රශ්නයට අවසානයේදී උත්තරයක් සපයනවාද.අපි වර්තමානයේදී වෙනත් මන්දාකිනි වල වාසයට සුදුසු ග්‍රහලෝක සොයනවා වගේම ඈත අතීතයේදී දියුණු පිටසක්වල ජාතිනුත් පෘථිවියට ඒ විදිහටම කළා වෙන්න ඇතිද.ලෝකයේ සෑම තැනකම ඇති මිත්‍යා කතන්දර පුරාවටම පවතින්නේ තාරකා වල ඉඳන් පෘථිවියට ගගොඩබැසපු ජීවින් පිලිබඳවයි.අප්‍රිකාවේ ඩොගොන් ගෝත්‍රිකයන් විශ්වාස කරන්නේ ඔවුන්ගේ දෙවිවරු ආවේ සීරියස් තාරකා වල ඉඳන් කියලයි.මායාවරු තමන්ගේ දෙවිවරු හත්දින්නත් තරු පොකුර සමඟ ඈඳා කතාබහ කෙරුවා.ඒ වගේම ඇමරිකානු හෝපි ගෝත්‍රිකයන්ට අනුව ජීවය ඇතිකරේ දිව්‍යමය සත්වයින් පිරිසක් විසිනුයි.පෞරාණික ගගනගාමී මතධරයන් යෝජනා කරන්නේ අපේ ග්‍රහලොවට පිටසක්වලයන් ආවා පමණක් නොව.අපේ පැවැත්ම සඳහාද ඔවුන් වගකිවයුතු බව ඔවුන් පවසනවා.ඒ වගේම පැරණි සුමෙරියාවෙන් හමුවී ඇති VA 243 නමින් හඳුන්වන වසර 4500 කට වඩා පැරණි සිලින්ඩරාකාර මුද්‍රාවක අපේ සෞරග්‍රහ මණ්ඩලයේ රූපයක් පවතිනවා.ඒ වගේම ඉතාම නිවැරදි ආකාරයෙන් හිරු මැද සිටින විදිහටත් අනෙක් ග්‍රහලෝක ඒ වටා පවතින විදිහටත් එය සිතුවම් කර තිබෙනවා.බටහිර විද්‍යාවට අනුව ගැලීලියෝ ගැලිලී සහ කොපර්නිකස්ගේ කාලය දක්වාම කිසිම කෙනෙක් ග්‍රහලෝක සුර්යා වටේ භ්‍රමණය වෙන බව දැනගෙන සිටියේ නෑ.
Ancient Aliens S10e07 Creatures Of The Deep|සාගර පතුලේ සිටිනා සත්වයින්
2014 අගෝස්තු මාසයේදී,ජාත්‍යන්තර අභ්‍යවකාශ මධ්‍යස්ථානයේ සිටි රුසියානු ගගනගාමීන් ජනේලවල බාහිර කොටස් වලින් අනපේක්‍ෂිත ඇදහිය නොහැකි මට්ටමේ දෙයක් වුනු සජීවී මුහුදු ප්ලවාංග සොයාගත්තා.මුහුදු ජීවීන්ට අභ්‍යවකාශයේදී වාසය කරමින් නොනැසී පවතින්නට හැකි නම් මේ දේම ප්‍රතිවිරුද්ධ ආකාරයටත් සිදුවෙන්න පුලුවන්ද?ඒ වගේම ශ්‍රී ලාංකික තාරකා විද්‍යාඥයෙක් වෙන චන්ද්‍රා වික්‍රමසිංහ පවසන්නේ මේ සාක්ෂිය පැන්ස්පර්මියා මතවාදය තහවුරු කරන සාක්‍ෂියක් කියලයි.මෙයින් ඉදිරිපත් කරන අදහස වෙන්නේ විශ්වය පුරාම ජීවය පවතින බවත් වල්ගාතරු සහ ග්‍රාහක මගින් මේවා පැතිරෙන බවයි.ඒ වගේම 1875 මාර්තු මසදී hms චැලෙන්ජර් නැවේ කාර්යමණ්ඩලය වසර දෙකක මුහුදු සවාරියකින් පසුව අපූරු සොයාගැනීමක් සිදුකරා.අඩි 1800 ක් තරම් සාගර ජලය යටින් ඔවුන් විවිධ අද්භූත මුහුදු ජීවින් සිය නැව් තට්ටුවට ඇද ගනිමින් පර්යේෂණ කරමින් නවතම මුහුදු ජීවින් සොයාගත්තා වගේම පිටු 30000 ක විශාල පොතක්ද රචනා කිරීමට සමත් වුනා.ඒ කාලයට අනුව ඒක විශාල විප්ලවකාරී සොයාගැනීමක් වුනා.ඒ වගේම ඉතිහාසය මුලුලේම මුහුදු ජලය තුල සිටින විවිධ අද්භූත ජීවින් ගැන වාර්තා වී තිබෙනවා.ඒ වගේම සමහර මුහුදු සත්වයින් පිලිබඳ කතන්දර මිත්‍යාවන් ලෙස සැලකුවත් තවමත් සාගරය තුල 700,000 සිට මිලියනය දක්වා සත්ව ප්‍රමානයක් සිටින බව ගණන් බලා තිබෙනවා.ඒ වගේම මේ සත්ව විශේෂ වලින් තුනෙන් දෙකක් පමණ තවමත් හඳුනාගෙන නෑ.සමහර මුදුදු ජීවීන්ට අභ්‍යවකාශයේදී පවා නොනැසී සිටින්න පුළුවන් බව මෑත කාලින සොයාගැනීම් වලින් ඔප්පු වී තිබෙනවා. ඒ වගේම ක්‍රැකන් සහ ලොක්නෙස් මෘගයා වැනි යෝධ ජීවීන්ගේ කතා පිටසක්වල ජීවින් මුහුදේ යටින් රැකවරණය පතා සිටින බවට සාක්ෂි වෙන්න පුලුවන්ද?ඒ වගේම මේ ජීවින් තාරකා දොරටු හරහා පෘථිවියට පැමිණෙනවා වෙන්න පුලුවන්ද?තාරකා දොරටු සාගර පතුලේත් පවතින්නට ඉඩ තිබෙනවාද?
Ancient Aliens S10e08 Circles From The Sky|අහසේ සිට වගා කව හරහා
විවිධ රටවල් 50ක සහ පෘථිවියේ සෑම මහද්වීපයකම පාහේ දක්නට ලැබෙන බෝග කව 10,000කට අධික ප්‍රමාණයක් ලෝකයේ සෑම තැනකින්ම වාර්තා වී තිබෙනවා.වගා බිම්වල පොළවටම ඔබ්බවමින් කරන ලද මේ අමුතු මෝස්තර සරල කව වල ඉඳන් අඩි දහස් ගණනක් දිග විස්තීරණ රූප සටහන් දක්වා විහිදෙනවා.ඒ වගේම මේවායෙන් ජ්‍යාමිතික රූප වගේම විවිධ පණිවිඩ පෙන්වා තිබෙනවා.ඒවා මොනවද?ඒවා හැදෙන්නේ කොහොමද?වගා කව නිර්මාණ සංසිද්ධිය විද්‍යාත්මක විෂමතා, අමුතු ආලෝකයන් සහ හඳුනානොගත් පියාසර වස්තුක්‍රියාකාරකම් සමඟ පවා සම්බන්ධ වී පවතිනවා.නමුත් විචාරකයින් පවසන්නේ ඒවා සියල්ලම මහා ප්‍රෝඩාවක කොටස් බවයි.නමුත් ඇත්තටම ඒවා මහා ප්‍රෝඩාවක්ද? බෝග කව 1960 ගණන්වල සිට නුතන කාලය දක්වාම විවිධ පුවත්පත්වල සහ මාධ්‍යය වල ප්‍රධාන පුවත් සිරස්තලයක් බවට පත් කර තිබෙනවා, නමුත් මේවායේ ඉතිහාසය සොයා යන විටදී ඒවා වසර සිය ගණනක්-වසර දහස් ගණනක් තරම් ඈත අතීතයක සිට පැවතගෙන එන සංසිද්ධියක අදාළ දේවල් බව පෙන්වා තිබෙනවා.ඉතිං අපේ ප්‍රධාන ගණිතඥයින් සහ විද්‍යාඥයින් ව්‍යාකූල කරන විදිහේ සංකේතාත්මක පණිවිඩ සහ සංකීර්ණ ගණිතමය, ජ්‍යාමිතික සහ තාරකා විද්‍යාත්මක සමීකරණ බොහෝ විට නිර්මාණවලම අන්තර්ගත වෙලා පවතිනවා.පෞරාණික ගගනගාමී මතධාර, ජෝජියෝ සුක්ලොස් මේ සංසිද්ධි වැඩිපුරම වාර්තා වෙන එංගලන්තයට ගොස් පර්යේෂකයන් සහ විද්‍යාඥයන් හමුවී වගා බිම් වල සහ විද්‍යාගාරයේ ඇති සංසිද්ධිය පිළිබඳව අපට නොකියූ දේ සොයා බලන්නට මේ කොටසෙන් උත්සහා කරනවා.ඒ වගේම ඔහු විශේෂඥයින්ගේ දැනුම ලබාගනිමින් සැබෑම වගා කවත් වංචනිකයන් සැදු ව්‍යාජ වගා කව හඳුනාගනිමින් මේ කොටසෙන් කියන්න උත්සහ කරන්නේ මේ වගා කව පිටුපස අපි සමඟ සන්නිවේදනය කිරීමට උත්සහා කරන පිටසක්වල ජාතින් ඉන්නා බව යෝජනා කරනවා.ඒ වගේම මේ වගා කව රටවල් 23 කින් වාර්තා වී තිබෙනවා වගේම මෝස්තර 2500 කට අධික ප්‍රමාණයක් නිර්මාණය කර තිබෙනවා.
Ancient Aliens S10e09 Alien Wars| පිටසක්වල ජීවීන්ගේ යුද්ධ
2002 මාර්තු 19 වෙනිදා, ගැරී මැකිනන් මාස 13 ක කාලයක් තුළ පෙන්ටගනයේසහ නාසා ආයතනය වල පරිගණක 97 කට අනවසරයෙන් ඇතුළුවීම සම්බන්ධයෙන් අත්අඩංගුවට ගත්තා, ඒ සිද්ධිය බලධාරීන් විසින් හඳුන්වනු ලබන්නේ "මෙතුවක් කලකට සිදුකල විශාලතම හමුදා පරිගණක හැක් කිරීම" ලෙසයි.නමුත් මැකිනන් කියන්නේ මේ සිද්ධියේදී තමන්ට ඇමරිකානු රජය සහ හමුදාව විසින් වසන් කරන ලද තොරතුරු විශාල ප්‍රමානයක් සොයාගන්න ලැබුනා කියලයි.මෙහිදී ඔහුට බෞමික නොවන නිලධාරීන් නමින් හැඳින්වූ ලිපිගොනුවක් සොයාගැනීමට ලැබී තිබෙන අතර එහිදී ඇමරිකානු අභ්‍යවකාශ යානා බලකායක් ගැන සඳහන් වෙනවා වගේම ඔවුන්ට පවරා තිබෙන රාජකාරී සහ රහසිගත යානා පිළිබඳව තොරතුරු ඔහු සොයාගෙන තිබුනා.එක්සත් ජනපද හමුදාවට ඇත්තෙන්ම රහසිගත අභ්‍යවකාශ වැඩසටහනක් තිබෙන්න පුලුවන්ද?එහෙම නම් අපි වෙනත් ජාතින් එක්ක හෝ වෙනත් ජීවී විශේෂ එක්ක අභ්‍යවකාශය පදනම් කරගත් යුද්ධයකට සුදානම් වෙමින් ඉන්නවද?පෞරාණික ගගනගාමී මතධරයන් කියන්නේ තරඟකාරී එකිනෙකට වෙනස් න්‍යාය පත්‍ර සහිත විවිධ පිටසක්වල ජාතින් රාශියක් පෘථිවියට පැමිණෙනවා කියලයි.ඔවුන් වසර දහස් ගණනක් තිස්සේ එකිනෙකා සමඟ යුධ ගැටුම් ඇති කරගනිමින් පෘථිවිය අත්පත් කරගැනීමේ මෙහෙයුමක නිරත වී සිටින බව කියනවා.මේ මතධරයන්ට අනුව අතීත ලියකියවිලි සහ පුරාවෘත්ත ගෙන බැලූ විටදී මේ යුද්ධ ඇත්තෙන්ම සිදුවුණු බවට සාක්ෂි තිබෙනවා.මෙහිදී ඉන්දියාවේ ද්වාරකා නගරයේ ගිලා බැසීම ගැනත් මහාබලිපුරම් දේවාල පිළිබඳවත් මේ කොටසෙන් කතා බහ කරනවා එහිදී ක්‍රිෂ්ණා සහ සල්වා නමැති රජු අතර සිදුවුණු මහා යුද්ධයේදී භාවිතා කෙරූ විමාන සහ දරුණු අවිආයුධ ගැනත් අවසානයේදී සල්වා රජු අතින් ක්‍රිෂ්ණාව ඝාතනය වීමෙන් පසුව ද්වාරකා නගරය මහමුහුදට ගිලා බැස්ස ආකාරය ගැනත් කතා කරනවා.ඒ වගේම ඉන්ද්‍ර සහ තවත් රජෙකු අතර ඇතිවුණු යුද්ධයකදී ඉන්ද්‍ර විසින් එවූ මහා ගංවතුරක් නිසා බහාබලිපුරම් දේවාල හතෙන් හයක්ම සාගරයට ගිලාබැස්සා කියන පුරාවෘත්තය සත්‍යක් බවට පත්වෙමින් 2005 වසරේදී සුනාමි සිද්ධියේදී මේ ගිලාබැස තිබුණු දේවාල හයේ නටබුන් නැවතත් මතුවී පෙනීම ගැන ඔවුන් මේ කොටසෙන් කතාබහා කරනවා.ඒ වගේම ඔවුන් කියන්නේ අපි දෙවිවරුන් ලෙස සඳහන් කරන්නේ සැබෑම දෙවිවරුන් පිරිසකට නොව දියුණු තාක්‍ෂණයක් තිබුණු පිටසක්වල ජීවින් පිරිසකට කියලයි.
Ancient Aliens S10e10 The Forbidden Zones|තහනම් කලාප
මහා යුද්ධ, අස්ථාවරත්වය සහ ප්‍රවේශ විය නොහැකි වීම හේතුවෙන් - ගවේෂණය සඳහා සීමා රහිත විශේෂිත කලාප ලෝකය පුරාම පවතිනවා.ඉරාකය ටිබෙටය සහ ග්වාතමාලා යන රටවල් මේවාට විශාල උදාහරණ විදිහට පෙන්වා දෙන්න පුළුවන්.ඇත්තටම මේ ස්ථාන ලෝකයේ ඇති වටිනාම පුරාවිද්‍යාත්මක ස්මාරක සහ නටබුන් පිහිටා තිබෙනවා වගේම ඒවා මානව ඉතිහාසය පුරාවටම ඉතාම වැදගත් කාර්යභාරයක් කල ශිෂ්ටාචාර වලට අයත් ඒවායි.ගවේෂණයක් සිදුනොකිරිම හේතුවෙන් ඒවා තුල යටපත් වී ඇති විශාල දැනුම සම්භාරයක්ද පවතිනවා.ඒ වගේම මේ පිවිසීමට නොහැකි තහනම් කලාප වල බොහෝවිට අවුල් සහගත සහ මානව වර්ගයාගේ සම්භවය සහ ඉතිහාසය විස්තර කරන පැරණි කෞතුක වස්තු සහ කිසිවකට සමාන කිරීමට නොහැකි වර්ගයේ වාර්තා විනාශ වී යෑමට ඉඩ හැර තිබෙනවාඋදාහරණයක් ලෙස මෑත කාලයේදී ඉරාකය සිරියාව ඇෆ්ගනිස්ථානය වැනි බොහෝ ප්‍රදේශ වල පවතින යුද්ධ සහ දැඩි මුලධර්මවාදී මත හේතුවෙන් අපේ ඉතිහාසයට විශාල වැදගත්කමක් ඇති කෞතුක වස්තු සහ පුරාවස්තු හිතාමතාම විනාශ කර තිබෙනවා.ඒ වගේම මේ යුද්ධ මුවාවෙන් සිදුවෙන විශාල පුරාවස්තු මංකොල්ලය හේතුවෙන් මිසරය පුරා ඇති කෞතුකාගාර සහ කැණීම් ස්ථාන කීප වතාවක්ම මංකොල්ලකෑම් වලට භාජනය වී තිබෙන අතර විශාල පුරාවස්තු ගණනාවක් අස්තානගතවී පවතිනවා.ඒ වගේම චීනය විසින් ටිබෙටය ආක්‍රමණය කිරීමෙන් පසුව සිදුවූ මහා විනාශකාරී ක්‍රියාවලියේදී ටිබෙටයේ පැවති වසර දහස් ගණනක් පැරණි දැනුම සහිත ලියවිලි පොතපත ක්‍රමානුකූල සැලැස්මක අනුව විනාශ කර දමා තිබෙනවා ඒ වගේම මෙවැනි සිද්ධි මධ්‍යම ඇමරිකානු රටවලත් සිදුවී තිබෙනවා.මොකද ඔබ එක් සංස්කෘතියක් ආක්‍රමණය කරන විටදී ඔවුන්ගේ මතවාදය යටපත් කිරීමට නම් ඔවුන්ගේ දැනුම සහිත පොතපත විනාශ කල යුතුයි කියන සංකල්පය තදින්ම මුල් බැසගෙන තිබෙන නිසා වියහැකියි.නමුත් මේ සියල්ලම කිසියම් නිර්මාණයක් වෙන්න පුලුවන්ද?පෞරාණික ගගනගාමී මතධරයන් පවසන්නේ මේ ස්ථාන වල විශිෂ්ඨ ඓතිහාසික වස්තූන් හා තොරතුරු වැළලී තිබෙන්න පුළුවන් බවත් පැරණි දැනුම හා තාක්‍ෂණය වගේම සමහරවිට අපේ පිටසක්වල අතීතය පිලිබඳ සත්‍ය වැළලී තිබෙන්නට පුළුවන් බවයි.මේ අවුල් වියවුල් සහ සටන් ඇති කරන්නේ තොරතුරු වසන් කිරීමේ කුමන්ත්‍රණයක් ක්‍රියාත්මක වෙන නිසාද මේ වසන් කිරීම් වලට මැදිහත් වෙන්නේ පිටසක්වල ජීවින්ද?